Gjykata e Tiranës ka dhënë masën e “arrestit” me burg për Marjus Demën, që vrau disa ditë më parë shokun e tij Mehmet Qema.
Mësohet se kjo masë u kërkua nga prokuroria për Marjus Demën, i cili akuzohet për ‘vrasjes me dashje’ megjithëse ai ka deklaruar se gjithçka ishte aksidentale dhe ai nuk e dinte që arma ishte e mbushur.
Ndërkohë, për Xhuljano Koçin dhe Frenkli Myftarin u la masa ‘arrest shtëpie’. Ndërsa ‘Detyrim paraqitje’ për Erlind Pekën, Blerim Hotin, Marjus Halilin si dhe Eder Pjetrin. Të gjashtë të rinjtë kanë qenë të pranishëm në momentin e krimit.
Ndërkaq Dema në sallën e gjyqit ka shpërthyer në lot duke thënë: “Kam vrarë vëllain tim”.
Edhe më herët në media është raportuar se Dema kishte tentuar vetëvrasjen por e kishin ndaluar shokët e tij. Ai para policëve ka deklaruar se i vinte më shumë keq për shokun e vrarë se sa për burgun që do bëjë.
