Kuvendi i Kosovës do të votojë më 3 shkurt kabinetin e ri qeveritar të drejtuar nga Albin Kurti. Njoftimi u dha nga Kryetari i Kuvendit, Glauk Konjufca, i cili u shpreh optimist për arritjen e një marrëveshjeje me LDK.
Ai përjashtoi mundësinë e dorëheqjes nga posti i kryeparlamentarit, ndryshe nga sa kërkon LDK-ja për arritjen e marrëveshjes.
“Mbledhja e kryesisë ka vendosur që seanca plenare për krijimin e Qeverisë së Kosovës të mbahet të hënën më 3 shkurt në ora 11:00. Nuk mendoj që në Kosovë është koha e dorëheqjeve, por e emërimeve”, tha Konjufca.
Votimi për të hënën i kabinetit të ri qeveritar i kryesuar nga Albin Kurti përcaktohet pavarësisht se deri më tani palët nuk kanë rënë dakord. LDK-ja e kushtëzon votën pro qeverisë me dorëheqjen e kreut të Kuvendit, post të cilin do ta mbajë dreri në zgjedhjen e presidentit.
