Kryeministri Edi Rama ka qenë sot në Vaun e Dejës, aty ku fillimisht ndoqi nga afër procesin e vakisinimit masiv të të moshuarve mbi 70-vjeç.
Më pas Rama gjatë inspektimit të punimeve për Ujësjellësin e Vaut të Dejës tha se kjo është hera e fundit që uji është temë e fushatës elektorale.
Kreu i qeverisë theksoi se pas 50 vitesh me dy orë ujë në ditë, në Vaun e Dejës po përfundon ujësjellësi që çon 24 orë ujë në të gjitha shtëpitë e kësaj zone.
“Pas 50 vitesh me 2 orë ujë në ditë ose hiç fare gjatë verës, përfundon ujësjellësi i ri; 22.6 kilometra rrjet shpërndarës që çon 24 orë ujë në shtëpitë e kësaj zone.
Jemi në gjendje të themi se në qendrat urbane të vendit do kemi 24 orë ujë.
Uji është hera e fundit që është temë fushate elektorale. Këtu në këto zona nuk ka pasur 24 orë ujë as në kohën e komunizmit”, tha Rama.
