Të paktën 4 persona e kanë humbur jetën dhe 2 të tjerë u plagosën si pasojë e rrëzimit të një avioni ushtarak në rajonin Almaty të Kazakistanit, transmeton Anadolu Agency (AA).
Në një deklaratë nga aeroporti në Almaty thuhet se avioni ushtarak An-26 u zhduk nga radarët në orën 17:20 sipas kohës lokale gjatë fluturimit në relacionin Nur-Sultan-Almaty. Avioni që i përkiste Shërbimit Kufitar të Komitetit Kombëtar të Inteligjencës së Kazakistanit u rrëzua gjatë uljes emergjente.
Në aksident 4 nga 6 personat në avion humbën jetën ndërsa 2 të tjerët e plagosur u dërguan në spital.
Departamenti i Situatave Emergjente në Almaty njoftoi se në rajon janë dërguar ekipe për të hetuar shkakun e aksidentit.
