Qeveria gjermane kërkon të zgjasë deri më 14 mars kufizimin e pjesshëm në fuqi përballë pandemisë së COVID-19, sipas një projekt marrëveshjeje.
“Kufizimi në Gjermani mund të zgjatet deri më 7 mars, ndoshta dhe deri më 14 mars”, sipas të përditshmes “Bild”, që zbulon diskutimet që do të zhvillohen në kuadër të takimit që do të mbahet sot mes shtetit dhe rajoneve.
Sipas të përditshmes, hipoteza për një lehtësim të masave antiCOVID-19 duke nisur nga 1 marsi nuk do të jetë më në tryezë. Gjermania është në kufizim strikt që prej 16 dhjetorit.
Kancelarja gjermane, Angela Merkel do të takohet sot me 16 drejtuesit e shteteve të vendit për të diskutuar në lidhje me frenimin e koronavirusin. Sipas një projekt dokumenti është e mundur që kufizimet të zgjaten, ndoshta deri në mars, sepse ato do të përfundojnë më 14 shkurt.
Merkel deklaroi se kundërshtonte me çdo formë lehtësimin deri më 1 mars, sipas burimeve të pranishme gjatë një takimi në internet të partisë së saj të Unionit kristian-demokrat (CDU).
