Presidenti amerikan Donald Trump, jo vetëm që refuzon të pranojë rezultatin e zgjedhjeve presidenciale të 3 Nëntorit, por ka filluar të shkarkojë të gjithë personat të cilët e kundërshtojnë atë.
Trump shkarkoi të Martën Christofer Krebs, drejtorin e agjencisë federale të Sigurisë Kibernetike dhe Infrastrukturës, që garantoi sigurinë e zgjedhjeve, duke thënë se deklarata e tij e fundit në mbrojtje të sigurisë së zgjedhje ishte e pasaktë.
Para Krebs, Vetëm disa ditë më parë, republikani pushoi nga puna Sekretarin e Mbrojtjes MarkEsper më 9 nëntor, pjesë e ndryshimeve më të gjera që vendosën besnikët e zotit Trump në pozicione të larta të Pentagonit.
Krebs ka drejtuar agjencinë e njohur CISA, që pas ndërhyrjes ruse në zgjedhjet e 2016. Megjithatë prej kohësh mes tij dhe presidentit Trump ka pasur kundërshti të shumta.
CISA lëshoi deklarata ku hidhte poshtë pretendimet se një numër i madh të vdekurish rezultonin si votues ose që dikush mund të hidhte vota të falsifikuara dhe deklarata e tij së bashku me një grup zyrtarësh federalë të cilët theksuan se nuk kishte prova për kompromentimin e zgjedhjeve duket se ishte shënja e duhur për presidentin për ta shkakrkuar atë.
CISA punon me zyrtarë shtetërorë dhe lokalë që menaxhojnë zgjedhjet në Shtetet e Bashkuara si dhe me kompani private që sigurojnë pajisjet e votimit për të garantuar sigurinë kibernetike dhe rreziqe të tjera gjatë monitorimit të votimit dhe numërimit të votave nga një dhomë kontrolli në selinë e saj pranë Uashingtonit.
