Një aksident me pasojë vdekjen e një personi ka ndodhur këtë pasdite në Rrogozhinë.
Gazetari Kelmend Baci raporton për “Balkanweb” se sipas raportimeve nga vendngjarja, automjeti është përplasur me bordurat anësore në rrugën kryesore.
Identiteti i viktimës ende nuk dihet. Policia është nisur drejt vendngjarjes për të zbardhur rrethanat e këtij aksidenti.
Sipas informacioneve të para dyshohet se shkak i përplasjes është bërë shpejtësia tej normave të lejuara.
Njoftimi i policisë:
Kavajë/Informacion Paraprak.
Rreth orës 17:05 në aksin rrugor Rrogozhinë- Kavajë automjeti me drejtues shtetasin O. L.,22 vjeç, si shkak i një parakalimi të gabuar ka devijuar nga aksi rrugor duke u përplasur me trafikndarësen.
Si pasojë e daljes nga rruga, ka ndërruar jetë drejtuesi i automjetit shtetasi O. L.
Grupi hetimor ndodhet në vendngjarje, ku vijon punën për sqarimin e rrethanave të ngjarjes dhe shkakut të aksidentit.
