Demokrati Genc Pollo përmes një statusi në Facebook prezanton gjetjet e raportit “Global Initiative”.
Referuar gjetjeve të tij, Pollo shprehet se në Shqipëri, 60% e firmave që ndërtuan në kryeqytet në 2017-2019 nuk justifikojnë burimin financiare dhe se në këto tre vjet janë pastruar 1.6 mld euro.
STATUSI I PLOTE
“Shqipëria: 60% e firmave që ndërtuan në kryeqytet në 2017-2019 nuk justifikojnë burimin financiare; U pastruan 1.6 mld euro në tre vjet” konkludon raporti i Global Initiative.
Filloi fiks një vit mbas gjithë-kanabizimit nga dyshja Rama-Tahiri. U denoncua sitematikisht nga opozita. Shkak për gjendjen mizerabël të ekonomisë e biznesit (përveç keqqeverisjes, supertaksave, korrupsionit por edhe tërmetit dhe epidemisë) Kudo ku është futur paraja e pistë është dëmtuar normaliteti i sipërmarrjes dhe janë pasuruar një grusht banditësh e oligarkësh. Për të tjerët mbeti varfërimi dhe emigrimi.
Ndërkohë, që prej marsit, lufta kundër larjes së parave është kushti nr 4, nga 12 gjithsej, për çeljen e negociatave me BE.
Prandaj koha për ndryshim! Një orë e më parë!
