Ministri i Shëndetësisë së Afganistanit, Ahmad Jawad Osmani, deklaroi se parashikohet që koronavirusi i ri (COVID-19) në vend ka prekur 10 milionë njerëz.
Në një konferencë për shtyp, ministri Osmani tha se me mbështetjen e Universitetit Johns Hopkins në SHBA dhe me Organizatën Botërore të Shëndetësisë (OBSH) po kryejnë një hulumtim të ri në të gjithë vendin.
Sipas hulumtimit parashikohet që numri i të prekurve me COVID-19 në të gjithë vendin është 10 milionë dhe se kjo përbën 31.5 për qind të popullatës, informoi Osmani.
Ministri Osmani vuri në dukje se parashikohet gjithashtu që kjo sëmundje vërehet në mbi gjysmën e popullsisë së Kabulit shumica e të cilëve janë fëmijë.
Numri i rasteve në qytetet e mëdha është më shumë në krahasim me qytetet e vogla tha Osmani duke theksuar se tashmë pandemia në vend ka dalë jashtë kontrolli.
Po ashtu Osmani paralajmëroi për një valë të dytë të mundshme të COVID-19.
Sipas të dhënave të ministrisë së shëndetësisë, në të gjithë vendin për shkak të COVID-19 deri më tani kanë humbur jetën 1.288 njerëz.
