Ky skelet gjigant i ekspozuar këto ditë në muzeun e Bangkokut në Tailandë besohet se është më i madhi i gjetur ndonjeherë në Azinë Juglindore.
Nisur nga madhësia e shtrave, shkencëtarët besojnë se i përket një dinosauri me përmasa të jashtëzakonshme, plot 27 metra të gjatë, me një peshë prej 27 tonë e barabartë me nëntë elefantë të rritur.
Ka jetuar 120 milionë vite më parë, peshon të paktën 10 tonë më shumë se dinosauri i famshëm Diplodokus, por mbetet më i vogël se titanët e Amerikës së Jugut, si Patago-titani që arrinte në 60 tonë.
Kjo specie e re u zbulua në provincën verilindore të Çajafumit, ku banorët vendas diktuan fosilet në buzë të një rezervuari uji.
Studimi mbi këtë zbulim të jashtëzakonshëm u publikua në revistën prestigjioze shkencore “Scientific Reports” të grupit “Nature”, duke hedhur dritë mbi epokën e artë të gjigantëve që jetuan 113 milionë vite më parë.
