Kryeministri Edi Rama, pas vizitës zyrtare në Korenë e Jugut, vizitoi Japoninë.
Gjatë vizitës në Tokyo, kreu i qeverisë një takim me Ligën Parlamentare të Miqësisë Japoni–Shqipëri, të kryesuar nga Minoru Kiuchi, ministër për Strategjinë e Rritjes së Japonisë.
Rama theksoi se me mbështetjen e pakursyer të ministrit për Strategjinë e Rritjes të Japonisë, po punojmë me sukses për rritjen e kontakteve dhe shkëmbimeve mes dy vendeve.
Kjo vizitë zhvillohet në kuadër të forcimit të partneritetit Shqipëri–Japoni dhe zgjerimit të bashkëpunimit në fusha me interes të përbashkët, përfshirë ekonominë, kulturën dhe diplomacinë.
Sipas agjendës, kryeministri Rama do të pritet me Gardë Nderi nga kryeministrja e Japonisë, Sanae Takaichi, me të cilën pritet të zhvillojë një takim bilateral të fokusuar në thellimin e bashkëpunimit dhe forcimin e partneritetit strategjik mes dy vendeve.
Gjatë vizitës, kryeministri Rama do të marrë pjesë edhe në aktivitete institucionale dhe ekonomike, si dhe do të vizitojë Universitetin e Kombeve të Bashkuara në Tokio, ku do t’i drejtohet një paneli diskutimi me temë “Rruga e Shqipërisë drejt Anëtarësimit në BE: Roli i Japonisë”, duke trajtuar procesin e integrimit europian dhe rolin e të rinjve në zhvillimin e qëndrueshëm.
