Kryetari i Partisë Demokratike, Sali Berisha ka përdorur të njëjtin justifikim sa i takon çështjes Balluku, teksa i është përgjigjur pyetjes së një qytetari se pse nuk e publikon dosjen e ish-zëvendëskryeministres Belinda Balluku.
Berisha në një bashkëbisedim me qytetarët, theksoi se anëtarët e Këshillit të Mandateve dhe Imunitetit kishin firmosur para prokurorëve të SPAK që të ruajnë sekretin hetimor. Ai tha se PD po mbron dëshmitarët e kësaj çështje, duke mos i bërë publike të dhënat.
“Anëtarët e Këshillit të Imunitetit kanë firmosur para prokurorëve një deklaratë ku janë zotuar se do të mbajnë sekretin. Ti nga një anë më çudit se kërkojnë të respektojmë drejtësinë dhe nga ana tjetër që të shkelë drejtësinë. Ka dëshmitarë të penduar.”, tha Berisha.
