Bordi i Transparencës për Çmimet e Karburanteve vendosi në mbledhjen e datës 16 maj 2026 çmimet e reja tavan për shitjen me pakicë dhe shumicë të karburanteve në vend.
Sipas vendimit, çmimi i shitjes me pakicë i gazoilit të standardit SSH EN 590 është përcaktuar jo më shumë se 202 lekë/litër, 4 lekë më shumë ndërsa çmimi i shitjes me shumicë jo më shumë se 190 lekë/litër.
Për benzinën, çmimi i shitjes me pakicë është përcaktuar jo më shumë se 188 lekë/litër, 3 lekë më shumë se një një ditë më parë, ndërsa ai i shitjes me shumicë jo më shumë se 176 lekë/litër.
Vendimi hyn në fuqi sot, në orën 13:00 dhe do të mbetet i vlefshëm deri në mbledhjen e radhës së bordit, ku do të rishikohen çmimet në varësi të lëvizjeve në tregjet ndërkombëtare.
Bordi i bën apel operatorëve të tregut të respektojnë vendimin, duke paralajmëruar masa administrative dhe pezullim aktiviteti në rast shkeljesh.
