Një 53-vjeçar nga Lezha është dhunuar mbrëmjen e së premtes në autostradën Mamurras–Laç, pranë kryqëzimit të Sanxhakut.
Sipas njoftimit të Drejtorisë Vendore të Policisë Lezhë, ngjarja ka ndodhur dje rreth orës 22:00, ku persona ende të paidentifikuar kanë goditur me sende të forta shtetasin me inicialet S. T., duke i shkaktuar dëmtime në trup.
Menjëherë pas marrjes së njoftimit, në vendngjarje kanë mbërritur shërbimet e Policisë dhe grupi hetimor, të cilët kanë nisur veprimet për zbardhjen e plotë të ngjarjes.
NJOFTIMI I POLICISE
Në lidhje me ngjarjen e ndodhur rreth orës 22:00 të datës 09.05.2026, në autostradën “Mamurras–Laç”, në afërsi të kryqëzimit të Sanxhakut, ku shtetas ende të paidentifikuar, kanë goditur me sende të forta, shtetasin S. T., 53 vjeç, banues në Lezhë, të cilit i kanë shkaktuar dëmtime në trup, sqarojmë se:
Menjëherë pas njoftimit, kanë shkuar në vendngjarje shërbimet e Policisë dhe grupi hetimor.
Grupi hetimor, në drejtimin e Prokurorisë, po vijon veprimet intensive, ka sekuestruar pamjet filmike të kamerave në një territor të gjerë, dhe po kryen një sërë veprimesh të tjera hetimore me qëllim zbardhjen e rrethanave, identifikimin dhe kapjen e autorëve.
