Zjarri në landfillin e Bushatit vijon prej dy ditësh, duke shkaktuar masakër mjedisore në zonë.
Zjarri kanë marrë përmasa të mëdha, ndikuar nga era e fortë dhe mbetjet e hedhura atje, duke vështirësuar ndërhyrjen e zjarrfikëseve për izolimin e flakëve.
Tymi i mbetjeve të djegura ka përfshirë të gjithë Vaun e Dejës dhe Shkodrën, duke vënë në rrezik shëndetin e qytetarëve.
Zjarri në vendgrumbullimin e mbetjeve në Bushat ka vijuar përgjatë gjithë natës, ku Prefektja e Shkodrës, Holta Duda bëri të ditur se veç zjarrfikëseve të Vaut të Dejës u kërkuan përforcime edhe nga Shkodra, Lezha, Tirana dhe Kamza, ku u ndërhy me autobote me ujë, si dhe mjete të tonazhit të rëndë, që hodhën tonelata me dhè në vatrat më të rrezikshme.
Ende nuk dihen shkaqet e rënies së zjarrit në landfill.
