Shtetet e Bashkuara të Amerikës janë goditur nga tornado, duke shkaktuar së paku 7 të vdekur dhe dhjetëra të plagosur.
Moti i keq ka mbajtur sidomos në Oklahoman Jugore, Teksas dhe në Luiziana. Të mërkurën dhe të enjten në mëngjes, stuhi të forta, përmbytje dhe tornado janë raportuar në rajon, shkruan BBC.
Persë persona u vranë gjatë tornados së rrezikshme në Okllahoma dhe Teksas. Në Luiziana, një person vdiq në një stuhi dhe një tjetër në ujërat e përmbytjes. Me miliona njerëz kanë mbetur në rrugë, si shkak i motit shumë të keq në disa rajone.
Më shumë se 100 mijë shtëpi kanë mbetur pa energji në jugun e Amerikës, që nga pasditja e së enjtes. Shërbimi Kombëtar i Motit (NËS) tha se “tornadoja jashtëzakonisht e rrezikshme” që goditi qytetin e Onalaska dhe pjesë të tjera të qarqeve Polk dhe San Jacinto në Teksas u formua rreth orës 18:00 me kohën lokale (23:00 GMT).
Onalaska është rreth 90 milje (144 km) në veri të qytetit të Houston.
Guvernatori i Teksasit, Greg Abbott tha se agjensitë e shtetit për menaxhimin e urgjencës po punojnë me zyrtarët lokalë për të ofruar ndihmë. Pasoja të shumta kishte edhe në banesa, infrastrukturë etj.
