Drejtoresha e Agjencisë Kombëtare të Ushqimit, Blerina Gjylameti ka nisur takimet që nga strukturat kryesore të kësaj agjencia me fokus kryesor, dhënien e zgjidhjeve të gjithë problematikave.
Gjylameti thekson se këtë sfidë duhet ta përballojnë bashkarisht, me çdo njeri që punon për ushqimin, kontrollin dhe sigurinë e tij.
Gjatë takimit me drejtuesin e AKU-së Tiranë, Gjylameti i ka përcjellë drejtuesit Ersid Hasanllarit objektivat që kanë për të përmbushur dhe problematikat të cilat duhen adresuar urgjent për zgjidhje.
Gjithashtu, Gjylameti ka inspektuar edhe laboratorin e Tiranës, pikat e inspektimit kufitar në Tiranë si pikë kyçe për të garantuar kontroll të plotë dhe rigoroz të çdo produkti që në hyrjen e tij në tregun e konsumit.
Sipas saj, qëllimi i takimeve që do të vazhdojnë në mënyrë kapilare deri në strukturat e terrenit është që të gjithë duhet të kenë të njëjtin objektiv: “të ngrejmë AKU në një nivel tjetër dhe të garantojmë çdo konsumator se institucioni është në detyrë 24/24 për të garantuar sigurinë ushqimore dhe arritjen sa më shpejt të standardeve europiane”.
