Deptuetja e PD Albana Vokshi ka ndezur një tjetër flakadan në sallën e Kuvendit.
Ndërkohë në zonën ku qëndrojnë ministrat e kabinetit, Garda kishte rrethuar depuetët e opozitës për ti larguar, por ata refuzuan duke u shtyrë dhe duke mos lëshuar karriget e ministrave.
Në anën tjetër, deputeti Bledion Nallbani dhe disa të tejrë u konfrontuan fizikisht me gardistët.
Betimi më i pazakontë në sallën e Kuvendit
Një betim i Avokatit të Popullit si ky sot, 18 dhjetor, nuk kishim parë ndonjëherë në sallën e Kuvendit.
Me thirrjet “Dil përjashta”, zhurmës dhe përplasjes me Gardën, kryeparlamentari Niko Peleshi ka lexuar fjalët e betimit të Endrit Shabanit.
Deputeti Klevis Balliu është përjashtuar nga seanca plenare, pasi hodhi sende në drejtim të Shabanit. Ky i fundit, gjithsesi nuk e mori aq seriozisht, duke ia kthyer me puthje.
Deputetët “gardh”, shtyhen me forcat e Gardës
Kreu i grupit parlamentar të Partisë Socialiste, Taulant Balla, kërkoi ndërprerje të diskutimeve dhe kalimin në votim.
“Me shpresën se do shkoni nga 300 në 400 protestues, dhe në respekt të plotë të procedurës, në pamundësi për të zhvilluar diskutimet, kemi pasur sot në rend dite plot çështje të rëndësishme, duket se opozita nuk do, ju lutem të kalojmë në votim”, tha ai.
Dhe kështu ndodhi, u kalua direkt në votimin e akteve, mes zhurmës dhe tymit të krijuar në sallë.
Sekretari i Përgjithshëm i Partisë Demokratike, Flamur Noka, ka hedhur ujë në drejtim të njërit prej puonjësve të Gardës. Veprim që u pasua me përjashtimin e tij, megjithatë situata veç sa u rëndua, pasi deputetët e PD-së janë rreshtuar te vendi i ministrave duke u shtyrë.
Mbyllet seanca
Pas 1 ore përplasjesh, ka përfunduar seanca e fundit plenare për këtë vit në Kuvendin e Shqipërisë.
Janë votuar vetëm nga mazhoranca aktet normative në kohë rekord e në kushte krejtësisht të pazakonta.
