Është sulmuar me molotov televizioni grek “SKAI”. Lajmi bëhet i ditur nga mediet greke, të cilat theksojnë se sulmi ka ndodhur në orën 3 të mëngjesit të sotëm, me orën greke, nga 4 burra me kapuç, të cilët hodhën molotov në grupin SKAI në Faliro dhe u zhdukën.
Gjithashtu, mediet përshkruajnë dhe skenën si ka ndodhur sulmi, teksa raportojnë se burrat e maskuar me kapuç lëvizën rreth murit të ndërtesës, në pjesën perëndimore hodhën molotov që nuk shkaktoi dëme serioze materiale dhe u zhdukën.
Të dy gjuajtjet ranë në një ballkon në katin e parë dhe të tretin. Roja njoftoi menjëherë policinë dhe patrulla të ekipit të DIAS mbërritën në vendin e ngjarjes, ndërsa mobilizimi i njerëzve të sigurimit të stacionit ishte në kohë.
Ata lëvizën në pikën e sulmit për të kontrolluar situatën dhe për shuarjen e zjarrit.
Pas mbërritjes në SKAI, policia filloi kontrolloi në çdo drejtim për të gjetur dhe arrestuar autorët e krimit.
Siç tha edhe Giorgos Avtias në emisionin e mëngjesit në SKAI “Kalimera”: “Ne të gjithë jemi mirë dhe programi i stacionit do të vazhdojë normalisht”.
