Autoritetet doganore në Pikëkalimin Kufitar Vërmicë kanë ndaluar tĽ dielën rreth orës 16:30 një sasi të konsiderueshme eksplozivi, gjatë një kontrolli rutinë të një furgoni.
Lajmi bëhet i ditur nga Dogana e Kosovës. Gjatë kontrollit të detajuar në vijën e dytë, mallrat e fshehura në bagazhin e automjetit dhe të kamufluara me pajisje peshkimi u identifikuan si rreth 300 kilogramë eksploziv. Shoferi kishte deklaruar se nuk posedonte mallra për deklarim.
Eksplozivi është konfiskuar, ndërsa ndaj shoferit është inicuar procedurë për kundërvajtje doganore sipas Kodit Doganor dhe të Akcizave të Kosovës. Rasti i është dorëzuar Policisë Kufitare, e cila po vazhdon hetimet dhe veprimet ligjore.
