Një punonjës sigurie në Gjykatën e Shkallës së Parë në Vlorë është dhunuar gjatë ditës së sotme, 10 tetor, nga një avokat. Ngjarja ka ndodhur në hyrje të gjykatës, në pjesën ku kryhet kontrolli ndaj qytetarëve për të detektuar metalet.
Sipas burimeve, avokati R.D., ka tentuar të hyjë në zonën e kontrollit, ku kalohen pajisjet, por është penguar nga punonjësi i sigurisë.
Pas një debati verbal, situata ka degjeneruar në dhunë fizike ndaj punonjësit të gjykatës.
Menjëherë pas incidentit, avokati është shoqëruar në policinë e Vlorës për të dhënë shpjegime mbi ngjarjen.
Ky incident vjen pas ngjarjes tragjike të vrasjes së gjyqtarit Astrit Kalaja, më 6 tetor, në sallën e gjyqit, në Gjykatën e Apelit Tiranë. Gjyqtarët zhvilluan dje, 9 tetor, një mbledhje ku u kërkua një plan i ri masash për institucionet e drejtësisë.
Këtë të premte, kreu i GJKKO-së Erjon Bani dhe drejtori i Gardës së Republikës Simon Zereci zhvilluan një takim sëbashku dhe inspektuan nga afër ambientet e Strukturës së Posaçme AntiKorrupsion (SPAK)
