Ndryshime ne stolin e Besës. Kavajasit kanë vendosur të shkarkojnë trajnerin Emiljano Çela.
Nisja e dobët e sezonit në Kategorinë e Parë, me dy barazime, ka rezultuar fatale për Çelën, të cilit i është komunikuar largimi nga drejtimi i verdhezinjve.
Te Besa nuk kanë humbur kohë dhe kanë zgjedhur menjëherë trajnerin e ri. Drejtimi i ekipit i është besuar një emri të njohur për futbollin shqiptar.
Shpëtim Duro ka marrë drejtimin e kavajasve, synimi i të cilëve është rikthimi në elitën e futbollit shqiptar.
Sezonin e kaluar Besa i shkoi shumë afër ngjitjes, por nuk ia doli dot, pasi u mposht në “play off” nga Pogradeci.
