Kryeministri Edi Rama ka përshëndetur nisjen e stërvitjes shumëkombëshe “Defender Europe ‘25”, ndërsa e cilësoi pjesëmarrjen dhe rolin e Shqipërisë si një dëshmi të angazhimit të saj të plotë në sigurinë kolektive të Aleancës.
Në një postim në rrjetet sociale, kryeministri Rama shkruan se Shqipëria është krenare që është një nga vendet pritëse kryesore të kësaj stërvitjeje të përmasave historike, duke nënvizuar rëndësinë strategjike që vendi ynë po merr gjithnjë e më shumë në arkitekturën mbrojtëse të NATO-s.
Ai shtoi se kjo stërvitje është gjithashtu një mundësi unike për Forcat e Armatosura të Shqipërisë për të rritur ndërveprimin, për të testuar gatishmërinë dhe për të avancuar standardet profesionale në përputhje me aleatët e NATO-s.
