Të gjithë personat që vijnë në Gjermani nga jashtë do t’i nënshtrohen një karantine dy javore, njoftuan sot mediat.
Agjencia gjermane e lajmeve DPA raportoi se “kabineti i krizës” i kancelares Angela Merkel sot përgatiti udhëzime të reja për të luftuar koronavirusin.
Gjermanët, shtetasit e BE-së dhe shtetasit e vendeve të treta që vijnë në vend nga jashtë duhet të qëndrojnë në karantinë për dy javë, thuhet në raport.
Diplomatët, mjekët dhe punonjësit e kujdesit shëndetësor janë të përjashtuar nga kërkesa.
Rastet e konfirmuara me koronavirus (COVID-19) në vend tejkaluan sot shifrën 100 mijë me 1.500 vdekje.
Gjermania aktualisht ka numrin e katërt më të lartë të rasteve të koronavirusit në botë, pas SHBA-ve, Spanjës dhe Italisë.
