Aplikacioni i mesazheve në pronësi të “Facebook”, “WhatsApp”, njoftoi se ka mbi dy miliardë përdorues në të gjithë botën. Ndërsa kompania nuk konfirmoi numra specifikë të përdoruesve për Indinë, kishte arritur në 400 milionë përdorues në korrik të vitit të kaluar, dhe India është tregu më i madh për WhatsApp.
Arritja e dy miliardë përdoruesve ndihmon WhatsApp të ruajë epërsinë e saj në tregun e mesazheve të menjëhershme.
Konkurrenti WeChat, i cili është në pronësi të Tencent kinez dhe kryesisht operon atje, arriti një miliardë përdorues pak kohë më parë, por mbetet prapa WhatsApp.
Telegram, i cili është një tjetër aplikacion mesazhesh që ofron mesazhe të koduara sikurse WhatsApp, posedon 300 milionë përdorues, sipas Komisionit të Sigurimeve dhe Shkëmbimit të SHBA (SEC).
Sipas Statista.com, numri i përgjithshëm i përdoruesve për platformat e mesazheve me bazë telefonike pritet të rritet në 3 miliardë deri në vitin 2022.
Platforma parashikoi 2.7 miliardë përdorues për vitin 2020 dhe 2.87 miliardë për 2021, që do të thotë se WhatsApp aktualisht zotëron pjesën kryesore të përdoruesve në të gjithë botën.
