Kreu i Partisë Demokratike, Sali Berisha, ka risjellë sot në konferencën për shtyp një denoncim të publikuar prej tij më 22 nëntor 2025, lidhur me drejtoreshën e SHISH, Vlora Hyseni.
Në postimin e asaj kohe, Berisha ngrinte dyshime se Hyseni mund të kishte ndërhyrë te gjyqtarë të Gjykatës së Lartë për të favorizuar Belinda Ballukun, të cilën ai e quan “Lubia”.
Berisha pretendonte se Balluku kishte kërkuar kohë për të zgjidhur vetë çështjen e saj në Gjykatën e Lartë dhe ngrinte pyetjen nëse drejtuesja e SHISH kishte ndërhyrë te pesë gjyqtarë për ta favorizuar atë.
Denoncimi u risoll sot nga Berisha, kur ndaj Vlora Hysenit është vendosur masa e sigurisë “arrest në shtëpi” dhe pezullimi nga detyra, me kërkesë të SPAK dhe vendim të GJKKO-së.
“Vlora Hyseni, famëzeza u mor në mënyrë aktive me presione ndaj Gjykatësve Kushtetues në rastin e vendimit të Ballukut, e denoncova që në atë kohë”, tha Berisha.
