Zyra Federale e Shëndetit Publik (BAG) ka raportuar sot 191 raste të reja që kishin rezultuar pozitive nga testeimet e bëra për koronavirusin.
Ky numër është dukshëm më i ulët se ai i regjistruar gjatë javës së kaluar.
Përveç kësaj, BAG raporton dy shtrime të reja në spital dhe një rast të ri vdekjeje nga Covid-19.
Dje, e diel, kishim 444 raste, ndërsa edhe ditëve të tjera numri i infeksioneve të reja sillej rreth shifrës 400.
Përkundër rënies së shënuar sot, mesatarja 7-ditore është 331 raste në ditë. Kjo është 13% më shumë se në javën e kaluar kështu që tendenca e përgjithshme po tregon ngritje.
Shkalla mesatare pozitive 7-ditore aktualisht është 2.9%, transmeton albinfo.ch. Kjo do të thotë se nga 100 teste të bëra, pak më pak se 3 sosh kanë rezultuar pozitive.
Mesatarja e testimeve të realizuara në 7 ditët e fundit ishte 12,238 në ditë, që përbën një rritje prej 21% krahasuar me javën e mëparshme.
