Kolegji Zgjedhor ka zgjedhur 8 anëtarët e rinj që do të kenë një mandat 4-vjeçar.
Gjyqtarët janë zgjedhur përmes shortit, ku për 8 vakancat në Kolegjin Zgjedhor kandidonin 95 gjyqtarë.
Emrat e përzgjedhur sipas shortit janë Ornela Naqellari, Alma Kodraliu, Iliba Bezati, Entela Shedula, Enkel Peza, Rexhep Bekteshi, Artan Çupi dhe Lutfie Cami.
Me ndryshimin e ligjit, për anëtarë të Kolegjit Zgjedhor kandidojnë edhe gjyqtarët e Shkallës së Parë, jo vetëm ata të Apelit siç ka qenë më herët. Ndryshimi i këtij ligji u reflektua edhe në numrin e lartë të kandidatëve që aplikuan për vakancat.
Kolegji Zgjedhor shqyrton ankesat e partive politike të cilat nuk kanë gjetur zgjidhje në KQZ dhe në KAS.
