Presidenti ukrainas Volodymyr Zelensky pret progres drejt një ftese për t’u bashkuar me aleancën ushtarake të NATO-s, pas zgjedhjeve presidenciale në SHBA në fillim të nëntorit.
“Jo për shkak të ndryshimit të presidentit, por sepse SHBA-ja tani po fokusohet në zgjedhje”, tha Zelensky, sipas një raporti të agjencisë së lajmeve Interfax-Ukraine.
Zelensky supozoi se SHBA-ja kërkon të shmang rreziqet e panevojshme për momentin dhe për këtë arsye heziton të bëjë deklarata të qarta.
Presidenti ukrainas tha se ai supozon se tashmë ka një konsensus të gjerë që vendi i tij duhet të ftohet për t’u bashkuar me NATO-n dhe ka besim se Franca, Britania e Madhe dhe Italia do ta plotësojnë kërkesën e Kievit.
“Për sa i përket reagimit të Gjermanisë, situata sot varet në shumë mënyra nga SHBA-ja”, tha Zelensky.
“Një pozicion i koordinuar midis Uashingtonit dhe Berlinit për pranimin e Ukrainës mund të bindë gjithashtu skeptikët si Hungaria dhe Sllovakia”, shtoi ai.
“Ne të gjithë duhet të punojmë shumë me palën gjermane. Por, SHBA-ja do të ishte faktori vendimtar”, tha Zelensky.
Ftesa do të ishte e disponueshme për Ukrainën vetëm brenda kufijve të saj të vitit 1991.
Votuesit amerikanë do të drejtohen në kutitë e votimit më 5 nëntor për të zgjedhur presidentin e ri.
