Studiuesit kinezë kanë zbuluar kohët e fundit një numër të madh gjurmësh të dinozaurëve të hershëm të Kretakut, në qytetin Konglongshan, në Kinën jugperëndimore.
Matjet gjeologjike treguan se shtresa shkëmbore që përmban gjurmët e dinozaurëve daton mbi 120 milionë vjet më parë, megjithatë shumë nga gjurmët mbeten jashtëzakonisht mirë të ruajtura.
Gjurmët e dinozaurëve u zbuluan fillimisht nga dy fshatarë të zonës, teksa kullotnin delet. Ata raportuan gjetjet e tyre në Departamentin lokal të burimeve natyrore e më pas zona e studimit u zgjerua edhe më tej, duke bërë që të gjenden edhe më shumë gjurmë të dinozaurëve. Deri tani studiuesit thanë se kishin zbuluar mbi 400 gjurmë të dinozaurëve.
Qyteti Konglongshan, emri i të cilit përkthehet “mali i dinozaurve” është një zonë e përqendruar zbulimi për gjurmët e fosilizuara të dinozaurëve.
