Gjykata vendosi masën e sigurisë “Arrest me burg” për Darment Kelin, të riun i cili vrau me thikë 34-vjeçarin Amarildo Hoxhallari.
Ngjarja e rëndë ndodhi pak ditë më parë në zonën e Astirit në kryeqytet. 34-vjeçari u dërgua me urgjencë në spital, por nuk mundi t’u mbijetonte plagëve të marra.
Nga hetimet paraprake, nisur edhe nga deklarimet e të dyshuarit, ngjarja ka ndodhur për motive xhelozie.
Keli e akuzonte viktimën, Amarildo Hoxhallarin se i kishte ngacmuar të dashurën.
“Pashë nga ballkoni i banesës 2 persona me motorr që po ngacmonin me fjalë të fejuarën.
Pas kësaj i thirra për të ndaluar por më ofenduan dhe kur zbrita u konfliktuam fizikisht.
Në sherr e sipër kam qëlluar disa herë me thikë Hoxhallarin, por nuk kisha për qëllim ta vrisja”, ka thënë autori para policisë.
