Çifti i njohur Venera Lumani dhe Lind Islami janë bërë prindër për herë të parë. Ka qenë vetë Venera Lumani ajo që ka ndarë lajmin e ardhjes në jetë të vogëlushit.
Në një foto familjare të publikuar në faqen e saj në Instagram, këngëtarja duket teksa mban në krah djalin e saj të porsalindur, emri i të cilit është Drin.
“Unë buroj në Strugë, e buroj në Pejë! I bëj malet bashkë, skej m’skej! Ju dua, Drin Islami”, ka shkruar këngëtarja.
Më 24 Nëntor, çifti publikoi këngën “Mezi Pres”, dedikim për fëmijën e tyre që prisnin të vinte në jetë. Kjo këngë ishte një mënyrë e veçantë që zgjodhi çifti për të ndarë me ndjekësit lajmin e ëmbël, që u mirëprit masivisht duke e bërë këngën virale në pak kohë.
