Në 24 orët e fundit në vend janë shëruar 1.386 të infektuar, me çka numri i pacientëve që e kanë mposhtur sëmundjen shkon në 164.234, tregoi tabela e përditësuar e Ministrisë së Shëndetësisë me të dhënat në lidhje me koronavirusin, e publikuar nga ministri Fahrettin Koca në Twitter.
Deri më tani, Turqia ka kryer 3.083.121 teste, përfshirë 53.486 në 24 orët e fundit.
Aktualisht, 914 pacientë në mbarë Turqinë po trajtohen në njësitë e kujdesit intensiv, prej të cilëve 356 asistohen me respiratorë.
Ndërkaq, në postimin e tij në Twitter, Koca tha se ka një luhatje në numrin e rasteve në vend.
“Edhe pse numri i testeve është 10 mijë më i madh se ditët e mëparshme, rezultatet na alarmojnë kundër rritjes së rrezikut. Shkaku i rritjes është lehtësimi i masave me ardhjen e verës. Këtë verë, nuk kemi alternativë tjetër përpos zbatimit të masave”, shkroi ministri Koca.
