“Rritja e numrit të rasteve të reja është brenda kufijve të parashikueshëm, 70 për qind e numrit të përgjithshëm të rasteve janë shëruar”, shkroi Koca në twitter.
Ai gjithashtu tha se 3.109 pacientë të tjerë u shëruan nga koronavirusi në 24 orët e fundit, duke e çuar në gjithsej 98.889 numrin e të shëruarve.
Ministri Koca njoftoi se numri i vdekjeve nga COVID-19 në vendin e tij është rritur në 3.894, pasi 53 viktima të tjera u regjistruan në 24 orët e fundit.
Sipas të dhënave të publikuara, numri i rasteve të koronavirusit në Turqi është rritur në 141.475, me 1.704 raste të reja të regjistruara në 24 orët e fundit.
Ministri turk tha se që nga shpërthimi i pandemisë janë kryer mbi 1.4 milion teste të dyshuara COVID-19, ndërsa vetëm në 24 orët e fundit janë kryer 37.351 teste.
Ministri turk i Shëndetësisë gjithashtu tha vazhdoi të bie numri i pacientëve që janë nën kujdes intensiv dhe i atyre që kanë nevojë për respiratorë.
Duke theksuar nevojën e distancimit social dhe përdorimit të maskave, ai i bëri thirrje popullit që t’u shmangen vendet me shumë njerëz, edhe pse masat për të luftuar përhapjen e virusit gradualisht lehtësohen.
Pas shfaqjes për herë të parë dhjetorin e kaluar në Wuhan të Kinës, koronavirusi është përhapur në mbarë botën, ndërsa Organizata Botërore e Shëndetësisë (OBSH) shpërthimin e ka shpallur një pandemi globale.
Sipas shifrave nga Universiteti John Hopkins me bazë në SHBA, numri i të infektuarve me COVID-19 ka tejkaluar shifrën 4.2 milionë, me pothuajse 288 mijë të vdekur dhe mbi 1.42 milionë të shëruar.
