Një ngjarje tragjike ka ndodhur në Angli, ku një 28-vjeçar është gjetur i pajetë në rrugët e qytetit Leicester.
Ervin Lita, i njohur edhe si Ervin Axhami, u gjet i pajetë nga shërbimi i ambulancës në orët e para të mëngjesit të 12 korrikut.
Në kuadër të hetimeve janë arrestuar dy persona, 36 dhe 27 vjeç, të dy banues në Leicester, të dyshuar si autorë. Ata janë liruar më pas me kusht, ndërsa hetimet vazhdojnë.
Sipas policisë, ende nuk janë sqaruar rrethanat se si 28-vjeçari përfundoi në rrugë. Hetuesit po analizojnë pamjet e kamerave të sigurisë, provat mjeko-ligjore dhe dëshmitë e personave që mund të kenë parë apo dëgjuar diçka në zonë.
