Prokuroria ka lëshuar sot, 29 tetor, 10 urdhër-arreste në lidhje me një skemë të dyshuar tjetërsimi pronash në zonën e Lezhës.
Operacioni u zhvillua me urdhër të Prokurorisë dhe me vendim të Gjykatës, pas një hetimi që kishte nisur prej disa muajsh.
Në pranga kanë rënë zyrtarë publikë dhe efektivë policie, të cilët dyshohet se kanë qenë të përfshirë në manipulime dokumentesh dhe favorizime për përvetësimin e tokave.
Hetimet janë ende në vijim, ndërsa emrat e personave të ndaluar nuk janë bërë ende publikë.
Skema dyshohet të ketë përfshirë ndryshime të paligjshme në regjistrat kadastralë dhe lëshim të dokumenteve të falsifikuara për përfitimin e pronave në zonat bregdetare të Lezhës.
Kështu, Prokuroria kë lëshuar një masë sigurie “arrest me burg”, pesë masa “arrest shtëpie”, tre masa “ndalim i daljes jashtë shtetit” dhe një masë, “pezullimi i ushtrimit të një detyre publike”.
P.T- “arrest në burg”
G.M., ish drejtor i Kadastrës, “arrest në shtëpi”
A.Sh., ish-shef i legalizimeve, “arrest në shtëpi”
A.M., zyrtar i Kadastrës “arrest në shtëpi”
L.B, “arrest në shtëpi”
H.Xh., “arrest në shtëpi”
F.Gj. ish drejtor i IKMT, “Ndalimi i daljes jashtë shtetit”
K.M., ish-drejtor i IKMT, “Ndalimi i daljes jashtë shtetit”.
M.N., polic zone në Shëngjin, “Pezullimi i ushtrimit të një detyre publike” dhe “Ndalimi i daljes jashtë shtetit”.
