Presidentja e Komisionit Europian Ursula Von der Leyen ka njoftuar në konferencën e shtypit me kryeministrin kroat, Andrej Plenkovic datën për mbajtjen e konferencës së donatorëve në Tiranë.
Presidentja e KE ka lajmëruar sot se konferenca e donatorëve për Shqipërinë pas tërmetit të rëndë të 26 nëntorit që solli dhjetëra viktima dhe pasoja të tmerrshme, do të mbahet më 17 shkurt.
“Komisioni Europian do të prezantojë medotologjinë e re për zgjerimin, por kjo nuk do të na pengojë për të avancuar me procesin e hapjes së negociatave të anëtarësimit me Shqipërinë dhe Maqedoninë e Veriut”, deklaroi presidentja e KE.
