Policia e Tiranës ka arrestuar tetë persona, pasi akuzohen për vepra të ndryshme penale.
Mes të arrestuarve janë edhe dy të rinj, 27 dhe 23 vjeç, pasi në bashkëpunim me njëri-tjetrin, për motive të dobëta, kanë tentuar të marrin me forcë në makinë, shtetasin L. S.
Njoftimi i plotë:
Specialistët për Hetimin e Krimit në Komisariatin e Policisë Nr. 5 kanë arrestuar në flagrancë për veprën penale “Heqja e paligjshme e lirisë”, kryer në bashkëpunim, shtetasit: A. M., 27 vjeç, i dënuar më parë për veprën penale “Vjedhja” dhe E. C., 23 vjeç, pasi në bashkëpunim me njëri-tjetrin, për motive të dobëta, kanë tentuar të marrin me forcë në makinë, shtetasin L. S.
Po nga specialistët për Hetimin e Krimit në Komisariatin e Policisë Nr. 5 u bë arrestimi në flagrancë i shtetasit T. Sh., 29 vjeç, pasi ka ushtruar dhunë psikologjike ndaj bashkëshortes së tij.
Specialistët e Qarkullimit Rrugor bënë arrestimin në flagrancë të shtetasve:
G. K., 51 vjeç, R. M., 40 vjeç dhe S. S., 33 vjeç, pasi u kapën duke drejtuar mjetet përkatëse në gjendje të dehur;
A. S., 29 vjeç dhe E. D., 29 vjeç, pasi u kapën duke drejtuar mjetet pa lejen përkatëse.
Më datë 25.07.2021, në rrugën “Frosina Plaku”, dyshohet se kanë vjedhur një shumë parash dhe disa sende me vlerë në banesën e shtetasit G. Dh., 32 vjeç. Punohet për identifikimin dhe kapjen e autorit/ëve.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
