Ka shkuar në mbi 70 mijë numri i të vdekurve nga koronavirusi i ri (COVID-19) në të gjithë botën.
Sipas të dhënave të faqes së internetit “Worldometer”, e cila përpilon të dhënat në lidhje me rastet dhe vdekjet e shënuara nga COVID-19 në rajone dhe vende, numri i të vdekurve si pasojë e COVID-19 në të gjithë botën ka arritur në 70.172, ndërsa numri i rasteve në 1.282.040.
Numri më i madh i vdekjeve është regjistruar në Itali, me 15.887 viktima, ndërsa pas saj radhiten Spanja me 13.055 viktima, SHBA-të me 9.620 dhe Franca me 8.078 viktima. Më pas vijnë Britania e Madhe me 4.934 dhe Irani me 3.603 të vdekur nga COVID-19.
Ndërkohë që në Kinë ku u shfaq epimedia janë shënuar 3.331 vdekje.
Vendet e tjera ku janë shënuar mbi 1.000 vdekje janë Holanda me 1.766 vdekje, Belgjika me 1.632 dhe Gjermania me 1.584 viktima.
Pasi u shfaq për herë të parë dhjetorin e kaluar në Wuhan të Kinës, koronavirusi është përhapur në mbarë botën dhe bazuar në të dhënat e Universitetit “Johns Hopkins” me bazë në SHBA numri i të vdekurve nga ky virus është mbi 70 mijë ndërsa numri i të infektuarve mbi 1.2 milionë.
