“Partia Socialiste do të fitojë më 25 prill dhe një nga mbështetësit më të mëdhenj do të jetë sipërmarrësi i vogël, sepse kurrë më parë në të gjithë rrugëtimin e tyre nuk kanë qenë më të lehtë në frymëmarrje.
Sot biznesi i vogël paguan zero tatimfitim dhe zero TVSH”, deklaroi kryeministri Edi Rama gjatë një interviste në medie.
Rama tha se biznesi i vogël, por edhe ai i madhi do të jenë mbështetës të PS-së.
“Të vetmit që nuk janë të lumtur me PS-në janë ata që ju i quani oligarkë. Ata duhen të kthehen te Partia Demokratike”, deklaroi kryeministri.
Ata, vuri në dukje, Rama, paguajnë 50% taksa më shumë se sa paguanin në kohën e PD-së dhe më shumë se sa iu premton Basha.
“Partia Socialiste më 25 prill do të fitojë 74-78 mandate”, u shpreh kryeministri.
