E ashpër ka qenë sot në Kuvend, deputetja Rudina Hajdari deklaroi se më lehtë shitet kokaina sot në vendin tonë se sa gjiza.
Hajdari solli shembullin e tregtarëve në Elbasan, të cilët sipas saj gjobiten padrejtësisht nga policia.
“Para disa ditësh isha në Elbasan, dhe është për të vënë kujën se si ndërtesa ku shitej bulmeti, ishte thënë se do mbyllej për një muaj për arsye rikonstruksioni dhe sot do bëhen 5 vjet që ajo markatë është e mbyllur.
E kuptoni çfarë bëhet?! Sot në Shqipëri është më kollaj të shesësh drogë, heroinë e kokainë, se sa të shesësh bulmet, gjizë, djathë.
E kupton çfarë bëhet?! Shitësit e kokainës kanë edhe leje, qarkullojnë me makina luksoze, ndërsa tregtari shet fshehurazi bulmetin me frikën se policia po vjen po gjobit”, tha Hajdari.
Mes të tjerash Hajdari lëshoi akuza në drejtim të PS-së, PD-së dhe LSI-së.
“Bërtisni dhe ulërini, digjni edhe vendin, vetëm për pazaret tuaja. Në momentin që merrni pjesën tuaj heshtni”, u shpreh ndër të tjera Hajdari.
