Pjesa më e madhe e vendit tonë është përfshirë nga një mot i keq dhe me reshje të vazhdueshme shiu.
Në këtë situatë, Bashkia e Vlorës u ka bërë apel qytetarëve që të shmangin lëvizjet me makina, për shkak të shirave të dendur dhe erërave të forta që priten në vijim.
“Te dashur qytetare! Duke parë kushtet e motit nê Vlorë, por edhe në të gjithë vendin, do ju luteshim të shmangnit të gjitha lëvizjet me makina për shkak të shirave të dendur dhe erërave të forta qe priten ne vijim. Kujdesuni për veten dhe familjarët tuaj! Për çdo nevojë vendosni kontakt me Ujësjellës Kanalizimet dhe Shërbimet publike të Bashkisë”, shkruan bashkia.
Sipas sinoptikanëve kjo javë do të karakterizohet me reshje të dendura shiu në të gjithë vendin.
