Presidenti i SHBA-së, Donald Trump njoftoi dje planet për të mbyllur përkohësisht qendrën ”Kennedy” në Uashington për rinovime të mëdha, dy muaj pasi shtoi emrin e tij në monumentin kulturor.
Trump tha në platformën e tij Truth Social se “Qendra Trump-Kennedy’ do të mbyllet në korrik për rreth dy vjet”.
Ai tha se rinovimet do ta transformojnë qendrën në “një Bastion të Klasit Botëror të Arteve, Muzikës dhe Argëtimit”.
Administrata amerikane ka vënë në dukje vazhdimisht se kompleksi i qendrës, i vendosur në lumin Potomac, ka nevojë për riparime dhe modernizim.
Qendra ”Kennedy” pret shfaqje në teatër, vallëzim dhe muzikë dhe u emërua sipas ish-presidentit John F Kennedy (1917-63).
Emri i Trump u shtua zyrtarisht në dhjetor, duke shkaktuar protesta dhe anulime nga disa interpretues dhe grupe.
Menjëherë pas marrjes së detyrës, Trump shkarkoi disa anëtarë të bordit të qendrës, mori drejtimin e saj dhe emëroi ish-ambasadorin e SHBA-së në Gjermani Richard Grenell si president.
