Administrata presidenciale amerikane po kërkon një nxitje të madhe në fondet vjetore të NASA-s për të përmbushur misionin e dërgimit të njerëzve në Hënë deri në vitin 2024.
Buxheti i agjencisë ishte më pak se 20 miliardë dollarë më 2017, vitin që presidenti Donald Trump mori detyrën, duke u rritur në 22.6 miliardë dollarë për vitin fiskal 2020, i cili përfundon më 30 shtator.
Dokumenti tregon gjithashtu qëllimin për të rritur buxhetin e NASA-s në 26.3 miliardë dollarë në vitin fiskal 2025.
Nuk ka asnjë garanci që Kongresi do të respektojë kërkesën e administratës. Propozimi për buxhetin e Shtëpisë së Bardhë është kryesisht një dëshmi e përparësive të tij, dhe ligjvënësit nuk kanë asnjë detyrim ta pasojnë.
Kongresi zakonisht lë mënjanë për NASA shumën që Shtëpia e Bardhë po kërkon apo edhe më shumë se kaq.
Agjencia hapësinore mori shumicën e parave, por jo të gjitha paratë që kërkoi për programin e saj të hulumtimit në Hënë, të quajtur Artemis, në vendimet e miratuara nga ligjvënësit në mes të dhjetorit. NASA gjithashtu kërkoi ndihmë nga kompanitë e makinave për të ndërtuar një automjet për projektet e tyre.
