Kreu i Partisë Demokratike, Sali Berisha, mori pjesë në homazhet për nderim të aktores së madhe shqipyare, Margarita Xhepa, e cila ndërroi jetë në moshën 91 vjeçare.
Berisha u shpreh se ikona e kinematografisë shqiptare do të mbetet e gjallë përgjithnjë, falë kontributit të saj të vyer në kulturën dhe artin e Shqipërisë.
“Për kontributin e jashtëzakonshëm të Margarita Xhepës në 7 dekada, sa askush tjetër, ne skenën dhe filmin shqiptar. Ajo nuk është më, por do mbetet përjetë e gjallë në memorien e atyre që ndoqën me aq admirim interpretimet e saj. Do mbetet e gjallë në memorien e artit e kulturës shqiptare”, u shpreh Berisha për media.
