Në lagjen e re në Spitallë, Durrës po kryhen punimet përfundimtare.
Kryetarja e bashkisë së Durrësit, Emiriana Sako inspektoi nga afër punimet, ndërsa bën të ditur se “brenda këtij muaji do të hidhet shorti për familjet që do të përfitojnë shtëpi të reja në këtë zonë’.
“Në këtë lagje të re model urbane janë ndërtuar 85 pallate me 996 apartamente gjithsej, me standarde të larta për qytetarët që humbën banesat nga tërmeti. Gjithashtu në këtë zonë ka edhe vende parkimi, hapësira të gjelbra dhe qendra të ndryshme shërbimi”, tha thekson Sako.
Zona e Spitallës në Durrës po transformohet rrënjësisht vitet e fundit, falë projekteve madhore të rikualifikimit urban, të cilat ofrojnë standarde moderne të infrastrukturës, dhe përmirësim të ndjeshëm të jetës së përditshme të banorëve.
