Rusia sërish ka regjistruar numër rekord të vdekjeve ditore nga COVID-19, transmeton Anadolu Agency (AA).
Gjatë 24 orëve të fundit u shënuan 1.254 viktima si pasojë e COVID-19 duke çuar numrin e viktimave nga virusi në 261.589.
“Vendi raportoi 37.156 raste të reja me koronavirus, duke e çuar numrin në 9.25 milionë”, tha Task forca e urgjencës së COVID-19 në Rusi.
Ndërkohë, rastet aktive u ulën nga 1.04 në 1.03 milionë ndërsa numri i të shëruarve arriti në 7.95 milionë pasi një numër rekord pacientësh, 37.004 u trajtuan me sukses, thuhet në raport.
Që nga dhjetori i vitit 2019, pandemia ka marrë më shumë se 5.13 milionë jetë në 192 vende dhe rajone, me mbi 256.1 milionë raste të raportuara në mbarë botën, tregojnë të dhënat e Universitetit “Johns Hopkins” në SHBA.
