Kryeministri Edi Rama ka propozuar Ogerta Manastirliun si kryetare të Bashkisë së Tiranës.
“Qytetarët e Tiranës nuk mund të presin më as shtatë ditë të tjera pa ditur se çfarë do të bëhet me Bashkinë e Tiranës. E çmoj nga afërsia e punës me të, ose nga distanca, por gjithnjë në respekt me integritetin në kryerjen e çdo detyre, dhe mbi të gjitha për shërbimin e veçantë ndaj publikut, kujdesin nga bashkëpunëtorëve dhe për vëmendjen ndaj çdo njeriu në Shqipëri që e ka lidhur detyra, që Ogerta Manastirliu është njeriu që i duhet sot Tiranës”, tha Rama, në mbledhjen e sotme të Asamblesë së Partisë Socialiste.
Ministrja e Arsimit, Ogerta Manastirliu e cila po ndiqte fjalimin e Ramës në sallë, u duk e zënë në befasi.
“E di që të ra si bombë”, i tha kryeministri. Ndërkohë që salla u ngrit duke e duartrokitur.
