Teksa prezantoi Planin e Veprimit për ujin dhe dritat, kryeministri Edi Rama deklaroi se në mandatin e tretë do të ketë 24 orë ujë në 61 bashkitë e vendit.
Po ashtu gjatë fjalës së tij, tha se dëshiron që Shqipëria të jetë e ardhmja e djalit të tij të vogël. Sipas tij është koha për ta bërë Shqipërinë të ardhmen tonë.
“Numri i ankesave ishte një llahtar se askush nuk hapte telefonin të dëgjonte.
Sot numri ka rënë, e pra kjo është një arsye më shumë që gjithsekush kur mendon se cfarë do bëjë me 25 prill, pa iu hequr asnjë presje, të ndajë mendjen shumë qartë.
Ka kohë të kthehemi mbrapa?
Ka hesap Shqipëria të kthehet mbrapa, apo është koha të ecim papushim, për ta bërë Shqipërinë të ardhmen tonë.
Unë nuk jam i përsosur, nuk jam pa gabime, të metat mi njihni, disa nuk mi njihni.
Ama unë jam këtu për të luftuar për të gjithë bashkë, dua që Shqipëria të jetë e ardhmja e djalit tim të vogël, e kujdo fëmije, që të mos dojë të largohet.
E nëse largohet të dojë të kthehet pas”- tha Rama.
