Miliona njerëz kaluan një natë të vështirë në Stamboll dhe zonat përreth pas tërmetit me magnitudë 6.2 që nuk shkaktoi viktima apo dëme serioze, por la pas 236 persona të plagosur.
Zyrtarët turq thonë se të lënduarit po marrin ndihmë mjekësore dhe janë pasojë e sulmeve të panikut dhe përpjekjeve për t’u hedhur nga ndërtesat e larta.
Stambolli konsiderohet një qytet me rrezik të lartë për një tërmet të madh. Ekspertët paralajmërojnë se qyteti ka 64% mundësi që të përjetojë një tërmet të paktën 7 ballë deri në vitin 2030.
Pas lëkundjet kanë vazhduar edhe këtë të enjte, orët e para të mëngjesit është regjistruar një lëkundje 4.2 e shkallës rihter.
Shumë qytetarë kaluan natën në hapësira të hapura, duke ndezur zjarre për t’u ngrohur. Për arsye sigurie, shkollat në zonat e prekura nga tërmeti do të mbyllen deri ditën e premte.
Kujtojmë se dy tërmete me magnitudë 7.8 dhe 7.7 rrafshuan Turqinë jugperëndimore dhe Sirinë fqinje në fillim të vitit 2023, duke lënë pas rreth 60,000 të vdekur në të dyja vendet.
